Алсран алсрах түүхийн чанадаас
Алдар суу нь дуурсан дуурсаж
Арван зүгтээ сүлдээ тахисаар
Амгалан энхийг даянаа тогтоож
Аргамаг хүлгийн хүчит туурай нь
Алтан дэлхийг доргиож явсан
Асар тэнгэрийн заяатай төрсөн
Агуу удмын нутаг минь э
Эх түүхийн алтан хуудсаа
Эхэлж бичсэн онгон талаа
Ээлжлэн манах зуун зуундаа
Эцгийн голомт тасраа нь үгүй
Эсгий туургат борхон гэр минь
Энгүй талдаа торойж байгаа
Эцэг тэнгэрийн заяатай төрсөн
Их хаадын нутаг минь ээ
Тэртээх түүхийн холын холоос
Тэмцэж боссон өвөг дээдэс
Тэргэл саран дэгдэн хөөрдөг
Тэнгэрийн хаяаг сөхөж үздэг
Тэнхээт хүлгийн эрчит туурай нь
Тэнхлэгт дэлхийг доргиож явсан
Тэнгэр дээд заяатай төрсөн
Тэмүүжин Чингисийн нутаг минь ээ
Тэртээх түүхийн холын холоос
Тэмцэж боссон өвөг дээдэс
Тэргэл саран дэгдэн хөөрдөг
Тэнгэрийн хаяаг сөхөж үздэг
Дэлээ хийсгэх хүлгийн зоон дээр
Дээлээ хөдөрч өрнийг зорьсон
Дэлхийн дайтай сүлдээ өргөсөн
Их Хаадын нутаг минь ээ. | 
