Von den elben wirt entsen vil manic man:
So bin ich von grozer liebe entsen.
Von der besten die ie man ze friunt gewan.
Wil si aber mich dar umbe ven
Und zunstaten sten. mac si dan rechen sich
Unde tuo des ich si bite: so fröit si mich,
Daz min lip vor wunne muoz zergen.
Swenne ir lichten ougen so verkeren sich
Daz si mir aldureh min herze sen.
Swer da enzwischen danne get und irret mich.
Dem müeze al sin wunne gar zergen!
Ich muoz vor ir sten und warten der frouwen min
Rehte also des tages diu kleinen vogellin:
Wenne sol mir iemer liep gesehen? |
